لاہور میں انمول پنکی کے خلاف مقدمات کی انکوائری

لاہور( پاک ترک نیوز) منشیات ڈیلر انمول پنکی کے لاہور میں درج مقدمات کی انکوائری جاری ہے۔
انمول کے بھائی ناصر بلوچ کے خلاف اقبال ٹاؤن میں درج مقدمے کی تفتیشی رپورٹ سامنے آگئی ، ضمنی تفتیشی رپورٹ میں انمول پنکی بڑی منشیات ڈیلر قرار دی گئی ۔
تفتیشی رپورٹ کے مطابق پنکی کا بھائی ناصر بلوچ 22 مئی 2020 میں ہما بلاک اقبال ٹاؤن سے منشیات سمیت گرفتار ہوا ۔
ناصر بلوچ نے مستقل پتہ ابوالحسن اصفہانی روڈ گلشن اقبال کراچی بتلایا ۔ ملزم نے انکشاف کیا کہ منشیات انمول پنکی کی ہے،ملزم کے مطابق پنکی بڑے پیمانے پر منشیات کا کام کرتی ہے، مقدمہ ملزمہ صابراں بی بی کے خلاف درج کیا گیا تھا ۔
ملزمہ نے اعتراف کیا کہ منشیات کراچی میں انمول سے لی ،انمول عرف پنکی کو اس مقدمہ میں بھی اشتہاری نہ کیا گیا ۔ادھر انمول عرف پنکی کےخلاف لاہور میں درج ایک اور مقدمہ سامنے آگیا،لاہور میں مقدمات کی تعداد چار ہوگئی۔