لبنان میں جنگ بندی کے باوجود جنوبی علاقوں میں اسرائیل کی جانب سے روزانہ حملوں کا سلسلہ جاری ہے، لبنانی حکام کے مطابق حملوں میں جنوبی علاقوں کے علاوہ بیروت کے قریب ایک شاہراہ کو بھی نشانہ بنایا گیا، یہ حملے اسرائیل اور لبنان کے درمیان 3 ہفتے قبل ہونے والی جنگ بندی کے بعد اب تک کے شدید ترین حملوں میں شمار کیے جا رہے ہیں، اسرائیلی فوج نے نو دیہاتوں کا خالی کرنے کی وارننگ بھی جاری کردی۔
دوسری جانب حزب اللہ نے کہا ہے کہ اس نے اسرائیل کے مسلسل حملوں کے جواب میں شمالی اسرائیل میں فوجی اہداف پر ڈرون حملے کیے۔
