ایران امریکا میں فیفا ورلڈ کپ میں شرکت کیلئے تیار

تہران ( پاک ترک نیوز) ایران شمالی امریکا میں شیڈول فیفا ورلڈکپ 2026میں شرکت کیلئے تیار ہے۔
ایرانی حکام کے مطابق قومی فٹبال ٹیم فیفا ورلڈ کپ میں شرکت کے لیے مکمل طور پر تیار ہے۔
حکومتی ترجمان فاطمہ مہاجرانی کا کہنا ہے وزارتِ کھیل و نوجوانان نے ٹیم کی کامیاب شرکت کے لیے تمام ضروری انتظامات مکمل کر لیے ہیں۔ یہ تیاریاں وزیرِ کھیل کی ہدایت پر کی گئی ہیں تاکہ ٹیم کو بہترین سہولیات فراہم کی جا سکیں۔
خیال رہے کہ فیفا صدر جیانی انفانتینو نے 16 اپریل کو کہا تھا کہ ایران ورلڈ کپ میں شرکت کرے گا۔ فیفا ورلڈکپ کی تاریخ میں یہ پہلا موقع ہوگا جس میں 48 ٹیمیں حصہ لیں گی۔