لاہو( پاک ترک نیوز) پنجاب میں بے زمین دیہاتیوں کو 160ارب کی مالیت کی اراضی کا تاریخی منصوبہ ، وزیراعلیٰ پنجاب مریم نواز شریف نے۔اپنا کھیت، اپنا روزگار سکیم۔ پورٹل کا باقاعدہ افتتاح کر دیا۔
منصوبے سے پنجاب کے مختلف اضلاع میں 13812 زرعی لاٹ سے 88780 خاندان مستفید ہوں گے،چولستان میں 16685 لاٹ ملنے سے 101111 فیملیز مستفید ہوں گی۔اپنا کھیت، اپنا روزگار سکیم کے تحت ہر کامیاب امیدوار کو 25 سے 40لاکھ مالیت کی زرعی اراضی کاشت کے لئے ملے گی،سینئر ممبر بورڈ آف ریونیونبیل جاوید نے ”اپنا کھیت، اپنا روزگار سکیم“ کے بارے میں تفصیلی بریفنگ دی۔اپنا کھیت، اپنا روزگار سکیم کے کامیاب امیدواروں کو فی ایکڑ 50ہزار سے ڈھائی لاکھ روپے تک آباد کاری ون ٹائم گرانٹ دی جائے گی۔
پانی کی دستیابی کے ساتھ ایک لاکھ 24ہزار 124374 ایکڑ زرعی اراضی کی فراہمی ہو گی ،دیہات میں بیر وزگار کاشتکاروں کو10 سال کے لئے زرعی اراضی فراہم کی جائیگی، ڈسٹرکٹ میں اپنا کھیت، اپنا روزگار سکیم“کیلئے 43938 ایریاز اور چولستان میں 83425 ایریاز، آبپاشی اور زرخیزی کو مد نظر رکھ کر نشاندہی کی گئی ۔
خواہشمند کاشتکار akarpunjabgovt.pk پر2 سے 18 مئی تک اپلائی کر سکتے ہیں ۔ ”اپنا کھیت، اپنا روزگار سکیم“ کے امیدوار یکم جون سے 8 جون تک ڈپٹی کمشنر کے پاس اپیل کر سکیں گے،19 جون کو ”اپنا کھیت، اپنا روزگار سکیم“ کی لسٹ فائنل ہوگی، 30 جون سے لینڈ ڈسٹری بیوشن شروع ہو گی ،ایک سے زیادہ امید وار ہونے کی صورت میں قرعہ اندازی کے بعد زرعی اراضی دس سال کے لئے دی جائے گی۔
پنجاب میں بے زمین دیہاتیوں کو زرعی اراضی دینے کا منصوبہ
