ویسٹ انڈیز اور سائوتھ افریقہ کی ٹیمیں بھارت میں پھنس گئیں

نئی دہلی (پاک ترک نیوز) بھارتی میڈیاکا کہنا ہے کہ ویسٹ انڈیز اور ساؤتھ افریقہ کی ٹیمیں بدستور بھارت میں پھنسی ہوئی ہیں۔دونوں ٹیموں نے چارٹرڈ فلائٹ کے ذریعے آج واپس جانا تھا، ایئر اسپیس کی بندش کی وجہ سے آج بھی چارٹرڈ فلائٹ اڑان نہ بھر سکی۔
بھارتی میڈیا کی جانب سے بتایا گیا ہے کہ چارٹرڈ فلائٹ کو ایئر ٹریفک کی طرف سے اجازت نہ مل سکی۔دونوں ٹیموں نے ایک ساتھ کولکتہ سے جوہانسبرگ جانا تھا، جہاں سے ویسٹ انڈیز کے کھلاڑیوں نے اینٹیگا کا سفر کرنا تھا۔
ویسٹ انڈیز کی ٹیم یکم مارچ کو سپر ایٹ جبکہ ساؤتھ افریقہ کی ٹیم 4 مارچ کو سیمی فائنل سے باہر ہوئی۔
ویسٹ انڈیز کے 12 کھلاڑی ، 10 سپورٹ اسٹاف ، ساؤتھ افریقہ کے 12 کھلاڑی اور 2 سپورٹ اسٹاف کے اراکین نے بھارت سے واپس جانا ہے۔انگلینڈ کے سابق کپتان مائیکل وان نے ٹیموں کے بھارت میں پھنسے رہنے پر تنقید کی۔
مائیکل وان کا مزید کہنا تھا کہ آپکو بتاتا چلوں کہ ویسٹ انڈیز یکم مارچ کو ورلڈکپ سے باہر ہوئی اور ابھی بھی وہاں پھنسی ہے۔ساؤتھ افریقہ کی ٹیم کی بھی یہی پوزیشن ہے، اور یہ ٹھیک نہیں ہے۔
انگلینڈ کی ٹیم ناک آوٹ ہونے کے 36 گھنٹوں بعد چارٹر طیارے پر روانہ ہوئی۔اور یہی باقی ٹیموں کے ساتھ ہونا چاہیئے تھا۔