الیکٹرک وہیکلز کے فروغ میں تیزی لائی جائے ،وزیراعظم

اسلام آباد(پاک ترک نیوز )وزیرِ اعظم شہباز شریف کی زیر صدارت اجلاس ہوا ہے جس میں ملک میں بجلی سے چلنے والی گاڑیوں کے فروغ پر مشاور ت کی گئی ، وزیراعظم نے کہا ملک میں الیکٹرک وہیکلز کے فروغ میں تیزی لانے کے لیے اقدامات تیز کیے جائیں۔ الیکٹرک گاڑیوں کے فروغ سے ایندھن کے درآمدی بوجھ میں کمی آئے گی، یہ ماحولیاتی تحفظ اور انرجی سیکیورٹی کے لیے بھی انتہائی اہم ہے۔وزیراعظم نے کہا کہ کم آمدنی والے افراد کے لیے الیکٹرک موٹر سائیکلوں پر سبسڈی میں شفافیت یقینی بنائی جائے، الیکٹرک وہیکلز اسکیم کے نفاذ میں مزید تیزی لائی جائے۔اجلاس میں الیکٹرک وہیکلز کی ملک گیر سطح پر ترویج کے لیے جاری اقدامات پر بریفنگ دی گئی۔