جنگ بندی کے مواقع سے فائدہ اٹھانا چاہیئے ،رجب طیب اردوان

ترکیہ (پاک ترک نیوز )ترکیہ کے صدر رجب طیب اردوان نے کا کہن اہے اسرائیل کے لبنان پر جاری حملے علاقائی امن کی امید کے لیے نقصان دہ ہیں۔ ایران کی جنگ بندی سے پیدا ہونے والے موقع سے فائدہ اٹھایا جانا چاہیے، ترکیے ایران جنگ بندی میں توسیع، کشیدگی میں کمی اور امریکا ایران مذاکرات کے تسلسل کے لیے کام کر رہا ہے۔ مسائل کے باوجود امریکا ایران مذاکرات کے حوالے سے پُرامید ہیں۔اس سے پہلے امریکی صدر ڈونلڈ ٹرمپ نے کہا ایران کے ساتھ جنگ ختم ہونے کے قریب ہے،میں اس جنگ کو اختتام کے بہت قریب سمجھتا ہوں۔ایک انٹرویو میں ڈونلڈ ٹرمپ نے کہا ایران کسی بھی طرح معاہدہ کرنا چاہتا ہے،ایران کو جوہری ہتھیار رکھنے کی اجازت نہیں دوں گا،میں مداخلت نہ کرتا تو اس وقت ایران کے پاس جوہری ہتھیار ہوتے،صورتحال کو بدلنے کیلئے فوری اقدام کرنا پڑا،ایران کے ایٹمی طاقت بننے سے عالمی توازن متاثر ہوتا،ایران کو تعمیر نو کیلئے 20 سال درکار ہیں۔اس سے پہلے صدر ٹرمپ نے ایران سے بات چیت کا سلسلہ آئندہ دو روز میں بحال ہونے کا امکان ظاہر کیا تھا۔،ادھر امریکا اور ایران کے مذاکرات جلد شروع ہوں گے ،امریکی ٹی وی کے مطابق جنگ بندی ختم ہونے سے پہلے اگر ایران سے ایک اور میٹنگ طے ہوئی تو اسکی ممکنہ قیادت نائب صدر جے ڈی وینس کریں گے۔امریکی وفد میں صدر ٹرمپ کے خصوصی مندوب اسٹیو وٹکوف اور داماد جیرڈ کشنر بھی شامل ہوں گے