استنبول(پاک ترک نیوز )ترجمان دفتر خارجہ کے مطابق پاکستان، ترکیہ، سعودی عرب، مصر اور دیگر ممالک کے وزرائے خارجہ نے استنبول میں اہم اجلاس میں شرکت کی، جس میں علاقائی و عالمی صورتحال، جاری تنازعات اور امن و استحکام کے فروغ کے لیے سفارتی کوششوں پر تبادلہ خیال کیا گیا۔اجلاس میں آر 4 پلس ای 3 فارمیٹ کے تحت آٹھ ممالک کے وزرائے خارجہ شریک ہوئے۔ ان میں آر فور ممالک کے علاوہ فرانس، جرمنی، اٹلی اور برطانیہ کے وزرائے خارجہ بھی شامل تھے۔
یہ بھی پڑھیں: امریکہ کا ایران پر رواں ہفتے کے آخر میں بڑے حملے کا امکان
مشترکہ پریس ریلیز کے مطابق اجلاس میں امریکا، اسرائیل اور ایران کے درمیان تنازع سمیت اہم علاقائی و عالمی امور پر تفصیلی گفتگو کی گئی۔ شرکا نے خطے میں کشیدگی کم کرنے اور تنازعات کے پرامن حل کے لیے مذاکرات اور سفارت کاری کی ضرورت پر زور دیا۔اجلاس میں فلسطین اسرائیل تنازع اور دو ریاستی حل کے لیے مذاکرات کی اہمیت پر بھی تبادلہ خیال کیا گیا۔ وزرائے خارجہ نے اس بات پر زور دیا کہ فلسطینی مسئلے کے پائیدار حل کے لیے سیاسی عمل اور سفارتی کوششیں جاری رہنی چاہییں۔
