ایران کی پاکستان کے ذریعے امریکا سے رابطوں کی تصدیق

تہران ( پاک ترک نیوز) ایران نے پاکستان کے ذریعے امریکا سے رابطوں کی تصدیق کر دی ۔
ترجمان ایرانی وزارت خارجہ اسماعیل بقائی کا کہنا ہے پاکستان کے ذریعے امریکا سے پیغامات کا تبادلہ کیا جا رہا ہے ، اب جو مذاکرات ہوں گے وہ مکمل جنگ بندی کیلئے ہوں گے ، توقع ہے آج ایران پاکستانی وفد کی میزبانی کرے گا۔
پاکستان کے توسط سے مذاکرات جاری رہنے چاہیئں ،نیوز کانفرنس میں اسماعیل بقائی بولے ایران جوہری ہتھیاروں میں دلچسپی نہیں رکھتا ، ایران کے بارے میں کہنا کہ چند دن میں ایٹم بم بنا لے گا قطعی غلط ہے،ایران نے ہمیشہ کہا جوہری افزودگی کے بارے میں بات چیت ہو سکتی ہے جوہری صلاحیت کو توانائی کیلئے استعمال کرنا ایران کا حق ہے، ، بین الاقوامی حقوق کی بنیاد پر ایران کے حقوق پر کوئی سمجھوتہ نہیں ہو گا ۔خطے میں کسی کی بالا دستی قبول نہیں کرینگے۔امریکا کی طرف سے سمندری ناکہ بندی عالمی قوانین اور جنگ بندی کی خلاف وزی ہے