اسلام آباد عالمی سفارتکاری کا مرکز ،ایران ،امریکا مذاکرات 10اپریل کو ہونگے

اسلام آباد ( پاک ترک نیوز) اسلام آباد عالمی سفارتکاری کا مرکز بن گیا ، پاکستان کی ثالثی میں ایران اور امریکا مذاکرات پر تیار ہو گئے۔
ایرانی نیشنل سپریم کونسل کے بیان کے مطابق دونوں ممالک کے درمیان مذاکرات 10 اپریل سے اسلام آباد میں شروع ہوں گے ۔ یہ عمل زیادہ سے زیادہ 15 دن تک جاری رہ سکتا ہے۔
مذاکرات کا بنیادی مقصد ایک حتمی اور دیرپا معاہدہ طے کرنا ہے۔ عرب میڈیا کے مطابق امریکا سے مذاکرات کے لیے اسلام آباد کو مقام کے طور پر منتخب کیا گیا ، ایرانی حکام کے مطابق حالیہ جنگ میں حاصل ہونے والی کامیابیوں کو باضابطہ معاہدے کی شکل دینا مذاکرات کا اہم ہدف ہوگا۔