نوشکی ( پاک ترک نیوز) سیکیورٹی فورسز نے ضلع نوشکی میں انٹیلی جنس بیسڈ کامیاب آپریشن کیا جس میں فتنۃ الہندوستان کے 7 دہشت گرد ہلاک ہو گئے ۔
آئی ایس پی آر کے مطابق لاک دہشت گردوں میں ایک خودکش بمبار بھی شامل تھا،30 اور 31 جولائی کی درمیانی شب ضلع نوشکی میں دہشت گردوں کی موجودگی کی اطلاع پر آپریشن کیا گیا۔
یہ بھی پڑھیں: خیبر پختونخوا ،بلوچستان میں آپریشن ،32دہشت گرد ہلاک
آئی ایس پی آرکے مطابق سیکیورٹی فورسز نے دہشت گردوں کے ٹھکانے کی نشاندہی کے بعد کارروائی کی، ٹارگٹڈ کارروائی میں بھارتی سپانسرڈ 7 دہشت گرد ہلاک کر دیے گئے۔
کارروائی کے دوران دہشت گردوں کا اسلحہ اور دیسی ساختہ دھماکا خیز مواد تباہ کر دیا گیا۔دہشت گردوں کے ٹھکانے پر موجود گولہ بارود اور آئی ای ڈیز موقع پر ہی تباہ کر دی گئیں۔
