لاہور(پاک ترک نیوز )پنجاب میں پیشہ ور بھکاری مافیا کے خلاف کریک ڈاؤن کا حکم دے دیا گیا ،سیکرٹری داخلہ ڈاکٹر احمد جاوید قاضی کی زیر صدارت محکمہ داخلہ میں اہم اجلاس ہوا ،پہلے مرحلے میں لاہور کو بھکاری مافیا سے پاک کرنے کا ٹاسک دے دیا گیا
سیکریٹری داخلہ نے بھکاری مافیا کے خلاف مؤثر اور مربوط حکمتِ عملی پر عملدرآمد کی ہدایت کی ہے ،اجلاس میں عوامی مقامات پر پیشہ ور بھکاری مافیا کے خلاف سخت کریک ڈاؤن کا فیصلہ کیا گیا
بھکاری مافیا کے نیٹ ورک کو بے نقاب کرنے کیلئے سیف سٹی اتھارٹی اور ٹریفک پولیس کو ٹاسک دیا گیا،قانون کے مطابق پنجاب میں زبردستی بھیک منگوانا ناقابل ضمانت جرم ہے
سیکریٹری داخلہ کا کہناہے لاہور کو "بیگرز فری سٹی” بنانے کیلئے تمام ادارے مشترکہ آپریشن کریں، پیشہ ور بھکاریوں کے ہینڈلرز کے خلاف سخت کارروائی ناگزیر ہے، حکومت پنجاب نے پیشہ ور بھکاریوں اور مافیا چیفس کو کیفرِ کردار تک پہنچانے کیلئے قانون میں ترامیم کی ہیں۔
سیکریٹری داخلہ نے کہا سزاؤں اور جرمانے میں کئی گنا اضافہ بھکاری مافیا کی حوصلہ شکنی کریگا، معصوم بچوں، بزرگوں اور خواتین سے زبردستی بھیک منگوانے والے سخت سزا پائیں گے، گرفتار بھکاری مافیا کو بہترین پراسیکیوشن کے ذریعے سخت سزا دلوائی جائے۔
سیکریٹری داخلہ نے کہا پیشہ ور بھکاری مافیا کے خلاف مہم میں جدید ٹیکنالوجی اور ہیومن انٹیلیجنس کا مؤثر استعمال یقینی بنایا جائے، بار بار گرفتار ہونے والے پیشہ ور بھکاریوں کا ڈیٹا بیس مرتب کیا جائے۔
سیکریٹری داخلہ نے کہاہر ضرورت مند شخص جو ویلفئیر ہوم میں آئے انکا ڈیٹا بیس اپڈیٹ رکھا جائے،ہاٹ سپاٹ مقامات کی نشاندہی کر کے مؤثر کارروائیاں کی جائیں، حکومتِ پنجاب ویلفئر ہومز کو معاشرے کی فلاح کا مرکز بنا رہی ہے۔
سیکریٹری داخلہ نے کہا ضرورت مند افراد کی فلاح کیلئے ویلفئیر ہومز کی استعداد میں اضافہ کیا جا رہا ہے،ویلفئیر ہومز میں ضرورت مند افراد کی خوراک، صحت اور رہائش کے بہترین انتظامات کیے جائیں، ویلفئیر ہومز میں کم عمر بچوں کی تعلیم کے انتظامات کیے جائیں۔
سیکریٹری داخلہ نے کہا ویلفئیر ہومز میں ضرورت مند افراد کو مختلف ہنر بھی سکھائے جائیں تاکہ وہ مستقبل میں خود کفیل ہو سکیں،معاشرے کی کمزور طبقات کی امداد کیلئے سول سوسائٹی کو بھی اپنا کردار ادا کرنا ہے، ہری پیشہ ور بھکاری مافیا کے اطلاع 15 پر دیں، اطلاع دینے والوں کی شناخت صیغہ راز میں رہے گی۔
