جمہوریت کی مضبوطی انصاف سے مشروط ہے ،صدر زرداری

اسلام آباد ( پاک ترک نیوز)صدرِ مملکت آصف علی زرداری نے شہید ذوالفقار علی بھٹو کی برسی پر خصوصی پیغام میں کہا ہے کہ سپریم کورٹ کی رائے ہے کہ بھٹو کو منصفانہ ٹرائل نہیں ملا ۔
سپریم کورٹ کے مطابق بھٹو کیس میں قانونی تقاضے نظر انداز کیے گئے،عدالتی مشاہدہ ہے کہ بھٹو کیس میں اپیل کا حق متاثر کیا گیا، 1973 کا آئین بھٹو دور کی بڑی کامیابی ہے، انصاف اور قانون کی بالادستی ناگزیر ہے،جنرل ضیاء کے مارشل لا کے بعد کیس دوبارہ کھولا گیا،انصاف کی عدم فراہمی کے اثرات عوام پر پڑتے ہیں۔
محترمہ بینظیر بھٹو کی جمہوری جدوجہد کو خراجِ تحسین پیش کرتے ہیں،اداروں کو قانون اور انصاف کی پاسداری کرنا ہوگی، عالمی رہنماؤں نے بھی بھٹو ٹرائل پر تشویش ظاہر کی تھی،جمہوریت کی مضبوطی انصاف سے مشروط ہے۔