اسلام آباد ( پاک ترک نیوز) خیبرپختونخوا کی موجودہ صورتحال پر ایوان صدر میں آج اہم اجلاس طلب کرلیا گیا ہے۔ ذرائع کے مطابق صدر آصف علی زرداری اجلاس کی صدارت کریں گے، جس میں صوبے کی سیاسی، انتظامی اور امن و امان کی صورتحال کا جائزہ لیا جائے گا۔
یہ بھی پڑھیں: وزیراعظم کی زیرصدارت اجلاس، خیبرپختونخوا کی صورتحال پر مختلف آئینی و قانونی آپشنز زیرغور
ذرائع کے مطابق وزیراعظم شہباز شریف کی صدر مملکت سے ملاقات کا بھی امکان ہے۔ وزیراعظم خیبرپختونخوا کی صورتحال پر اعلیٰ سطحی مشاورت کے بعد ایوان صدر جائیں گے۔ وزیراعظم شہباز شریف کی زیرصدارت اجلاس میں خیبرپختونخوا کی صورتحال اور مختلف آئینی و قانونی آپشنز پر غور کیا گیا وزیر قانون اعظم نذیر تارڑ نے قانونی امور پر بریفنگ دی، جبکہ وزیر داخلہ محسن نقوی نے امن و امان کی صورتحال سے آگاہ کیا۔
