اسلام آباد(پاک ترک نیوز ) وزیراعظم شہباز شریف نے صدر آصف علی زرداری سے ملاقات کی، جس میں ملک کی مجموعی سیاسی اور سیکیورٹی صورتحال پر تفصیلی تبادلہ خیال کیا گیا۔
ذرائع کے مطابق ملاقات میں دونوں جانب کے سینئر رہنما بھی موجود تھے۔ ملاقات اقوام متحدہ کے سیکرٹری جنرل کو نشانِ امتیاز عطا کرنے کی تقریب کے بعد ہوئی۔
ذرائع کے مطابق ملاقات میں خیبرپختونخوا میں تحریک انصاف کے لانگ مارچ کے باعث پیدا ہونے والی صورتحال پر بھی غور کیا گیا۔
وزیراعظم اور صدر کو حکومت اور اپوزیشن کے درمیان مذاکرات کے لیے قائم کمیٹی کے اراکین کی جانب سے بریفنگ دی گئی۔
ذرائع کا کہنا ہے کہ ملاقات میں اس بات پر اتفاق کیا گیا کہ کسی بھی آئینی یا قانونی اقدام سے قبل مشاورت کا عمل جاری رکھا جائے گا۔
