اسلام آباد(پاک ترک نیوز ) صدر مملکت آصف علی زرداری اور وزیراعظم شہباز شریف کے درمیان ایوان صدر میں اہم ملاقات ہوئی ہے، جس میں خیبرپختونخوا کی سیاسی، انتظامی اور امن و امان کی صورتحال اورآئینی و قانونی معاملات پر مشاورت کی گئی
ذرائع کے مطابق ملاقات میں صوبے کی موجودہ صورتحال اور آئینی و قانونی راستوں پر غور کیا گیا ، اجلاس میں اہم فیصلے متوقع ہیں
ذرائع کا کہنا ہے کہ خیبرپختونخوا میں امن و امان کی صورتحال، دہشت گردی کے واقعات، صوبائی حکومت کے کردار اور چار اکتوبر کو تحریک انصاف کی جانب سے اعلان کردہ اسلام آباد مارچ کے تناظر میں پیدا ہونے والی صورتحال کا جائزہ لیا گیا
ملاقات میں وفاقی وزیر داخلہ محسن نقوی،پیپلز پارٹی کی رہنما شیری رحمان اور سینیٹر سلیم مانڈوی والا ،فاروق نائیک بھی شریک ہوئے
