ملک کے کئی علاقوں میں بارش

اسلام آباد ( پاک ترک نیوز) راولپنڈی ،اسلام آباد میں موسلا دھار بارش سے نشیبی علاقے زیر آب آ گئے ۔
لاہور میں بادلوں کے ڈیرے ،شورکوٹ ، لودھراں ،اوکاڑہ ،احمد پور شرقیہ میں تیز بارش ہوئی ہے۔ شجاع آباد،ڈیرہ غازی خان،خوشاب ،نور پور تھل ،کوٹ رادھا کشن میں بھی باران رحمت خوب برسی ۔
دیر بالا سمیت خیبر پختونخوا کے کئی علاقوں میں جل تھل ایک ہو گیا ۔
بلوچستان میں بھی بادل جم کر برسے ، پاک ایران سرحدی کراسنگ پوائنٹ پر ژالہ باری،بختیار آباد،نوشکی،ڈیرہ بگٹی،چاغی ،دالبندین میں بارش سے نشیبی علاقے پانی سے بھر گئے۔