لاہور(پاک ترک نیوز)گھر بیٹھے ای اسٹامپ پیپر خود کریں ،کسی اسٹامپ فروش کے پاس جانے کی کوئی ضرورت نہیں ،جی ہاں پنجاب میں ڈیجیٹل انقلاب آ گیا ،،بورڈ آف ریونیو پنجاب کے تحت اسٹامپنگ نظام میں بڑی ڈیجیٹل اصلاحات کر دی گئیں ،،پنجاب میں روایتی سکیورٹی اسٹامپ پیپر کا استعمال ختم کردیا گیا ۔ اب اسٹامپ ڈیوٹی کی ادائیگی اور اسٹامپ کا اجرا مکمل طور پر آن لائن کر دیا گیا۔
موبائل ایپ کے ذریعے ادائیگی اور OTP تصدیق کے بعد ای اسٹامپ فوری جاری ہوگا۔۔ شہری سرکاری پورٹل کے ذریعے گھر بیٹھے ای اسٹامپ حاصل کر سکیں گے۔ ای اسٹامپ اب عام سفید کاغذ پر ڈاؤن لوڈ اور پرنٹ کیا جا سکے گا۔
ترجمان پی ایل آر اے کے مطابق شہریوں کو بینک جا کر اسٹامپ خریدنے کی ضرورت نہیں رہے گی۔ نئے نظام سے جعلی اور غیر قانونی اسٹامپ پیپر کے استعمال کا خاتمہ ممکن ہوگا ای-اسٹامپنگ سے شفافیت، سہولت اور تیز رفتار سروس کی فراہمی ممکن ہو گی۔
اسٹامپ فروش کے تین سو روپے سے کم مالیت کے اسٹامپ پیپر اجرا کرنے کے طریقہ کار میں کوئی تبدیلی نہیں لائی گئی۔
قانونی ماہرین کے مطابق ای اسٹامپ سسٹم نافذ ہونے سے دستاویزات کی خرید و فروخت اور رجسٹریشن کے عمل میں شفافیت آئے گی۔ تاہم اس نظام کو مؤثر بنانے کے لیے مناسب تکنیکی انفراسٹرکچر اور عوامی آگاہی ضروری ہے۔
