نیویارک(پاک ترک نیوز ) فلسطینی صدر محمود عباس نے امریکی صدر ڈونلڈ ٹرمپ سے غزہ کے حوالے سے کیے گئے وعدوں پر فوری عملدرآمد کا مطالبہ کردیا۔
اقوام متحدہ کی جنرل اسمبلی سے ورچوئل خطاب میں محمود عباس نے کہا کہ صدر ٹرمپ نے یہ وعدے عرب اور مسلم ممالک کے ساتھ کیے تھے، اب ان پر عملی اقدامات کیے جائیں۔
فلسطینی صدر نے مطالبہ کیا کہ روکے گئے تمام فنڈز فوری طور پر جاری کیے جائیں اور فلسطین پر عائد مالی اور تجارتی پابندیاں بھی فوری طور پر ختم کی جائیں۔
محمود عباس کا کہنا تھا کہ فلسطینی عوام کو درپیش معاشی مشکلات کے خاتمے کے لیے مالی امداد کی بحالی اور تجارتی پابندیوں کا خاتمہ ضروری ہے۔فلسطین کو جنرل اسمبلی میں شرکت سے روکنا ناقابل قبول ہے۔
