ہری پور(پاک ترک نیوز) تربیلا ڈیم کے پانچویں توسیعی منصوبے ٹی فائیو پاور پراجیکٹ کا تعمیراتی حصہ منہدم ہونے کے واقعے کے بعد چیئرمین واپڈا لیفٹیننٹ جنرل (ر) محمد سعید آج منصوبے کا دورہ کریں گے۔
ڈیم انتظامیہ کے مطابق چیئرمین واپڈا دورے کے دوران حادثے کے بعد کی صورتحال، اب تک ہونے والی پیش رفت اور تحقیقات کا جائزہ لیں گے۔
واپڈا کے اعلیٰ حکام انہیں تعمیراتی حصہ منہدم ہونے کے واقعے اور جاری تحقیقات کے حوالے سے تفصیلی بریفنگ دیں گے۔
یہ بھی پڑھیں: جنوبی ایشیا میں پائیدار امن کے لیے مسئلہ کشمیر کا منصفانہ حل ضروری ہے،اسحاق ڈار
تربیلا ڈیم کا پانچواں توسیعی منصوبہ 2028 تک مکمل ہونا تھا، تاہم گزشتہ روز پیش آنے والے حادثے کے بعد منصوبے پر تعمیراتی کام غیر معینہ مدت کے لیے روک دیا گیا ہے۔
