واشنگٹن ( پاک ترک نیوز) امریکی فوج نے مسلسل تیسری رات ایرانی فوجی اہداف پر حملے کیے ،ایران کے ساحلی دفاعی نظاموں، میزائل، ڈرون اور بحری تنصیبات کو نشانہ بنایاگیا۔
امریکا نے ایران میں بوشہر، چاہ بہار، جسک، کونارک، ابو موسیٰ اور بندرعباس پر حملے کیے، جنوب مغربی صوبے خوزستان میں حملے میں چار افراد زخمی ہوگئے، بندرعباس اور قریبی علاقوں میں دھماکے سنے گئے۔
امریکی سینٹ کام کے مطابق حملوں کا مقصد آبنائے ہرمز میں شہریوں اور تجارتی جہازوں کا تحفظ یقینی بنانا ہے۔
امریکی افواج نے ایران کے ساحلی حفاظت، میزائل اور ڈرون سائٹس اور بحری صلاحیت کے خلاف درستگی سے اہداف کو نشانہ بنانے والے ہتھیاروں کا استعمال کیا۔
یہ بھی پڑھیں: ایران نے میزائلوں کی بارش کردی، خطہ پھر سُلگ اٹھا
امریکی سینٹ کام کے مطابق اس وقت مشرق وسطیٰ میں 50 ہزار سے زیادہ امریکی فوجی تعینات ہیں، امریکی افواج مہلک اور مستعد ہیں۔
