تہران ( پاک ترک نیوز) امریکہ نے ایران پر گیارہویں روز بھی حملے جاری رکھے،، ایرانی فوجی آپریشنز مراکز، بحری صلاحیتوں، طیاروں کے ہینگرز، ڈرون ذخیرہ گاہوں اور فوجی لاجسٹکس کے بنیادی ڈھانچے کو نشانہ بنایا گیا۔
تبریز ، سیریک ،بوشہر ،خوزستان میں دھماکے سنائی دیئے، تہران میں فضائی دفاعی نظام فعال کر دیا گیا ، امریکی سینٹ کام نے ایکس پر بیان میں کہاحملوں کا مقصد آبنائے ہرمز میں تجارتی جہاز رانی کو خطرے میں ڈالنے کی ایران کی صلاحیت کو مزید کمزور کرنا ہے،ایران اب تک تیس سے زائد تجارتی جہازوں پر حملہ کرچکا ہے۔
یہ بھی پڑھیں: ایران امریکہ جنگ،پاکستان کے ثالثی کردار کی دنیا معترف
ایران نے کویت میں امریکی فوجی اڈے پر ڈرون حملہ کیا ، اسلحہ گوداموں اور بری افواج کے کمانڈ سینٹر کے لاجسٹک آلات کو ڈرونز کے ذریعے نشانہ بنایا گیا ۔۔ کویت میں ایرانی سفیر کی طلبی ہوئی ہے ،آئل ٹینکر پر حملے پر احتجاج ریکارڈ کرایا گیا۔
