پی ایس ایل فائنل ،حیدر آباد کنگز مین کی آدھی سے زیادہ ٹیم پویلین لوٹ گئی

لاہور( پاک ترک نیوز) پی ایس ایل 11کے فائنل میں حیدر آباد کنگز مین کی آدھی سے زیادہ ٹیم پشاور زلمی کیخلاف پویلین لوٹ گئی۔
حیدر آباد نے 7وکٹوں کے نقصان پر10اوورز میں 09رنز بنا لئے ۔
تفصیلات کے مطابق پاکستان سپر لیگ کے بڑے معرکے میں پشاور زلمی کا حیدر آباد کنگز مین کیخلاف ٹاس جیت کر پہلے بائولنگ کا فیصلہ کیا ہے۔
حیدر آباد کی وکٹیں وقفے وقفے سے گرتی رہیں ، معاذ صداقت سب سے پہلے آئوٹ ہوئے انہوں نے 11رنز بنائے ۔ کپتان مارنس لبوشن 20رنز بنا کر پویلین لوٹ گئے ۔
عثمان خان 8رنز کے مہمان ثابت ہوئے ،عرفان خان نیازی ایک رنز بنا سکے ، میسکویل بغیر کوئی سکور بنائے پویلین لوٹ گئے ۔
کوشال پریرا صرف ایک رنز ہی سکور کر سکے جبکہ حسن خان 12رنز بنا کر آئوٹ ہوئے۔
پشاور زلمی کی جانب سے ہارڈی نے 2،سفیان مقیم ،ناہید رانا ، اور باسط نے ایک ایک وکٹ حاصل کی ۔
پشاور زلمی میں ایک تبدیلی کی گئی ہے ناہید رانا کو پلیئنگ الیون میں شامل کیا گیا ہے جبکہ حیدر آباد کنگز مین میں کوئی تبدیلی نہیں کی گئی ۔
واضح رہے کہ پی ایس ایل سیزن 11کے فائنل معرکہ میں پشاور زلمی کا جوڑ حیدر آباد کنگز مین مد مقابل ہیں۔ یہ میچ لاہور کے قذافی سٹیڈیم میں کھیلا جا رہا ہے ۔ پی ایس ایل فائنل کیلئےتمام انتظامات کو حتمی شکل دیدی گئی ہے۔
شائقین کرکٹ کا جوش و خروش بھی عروج پر پہنچ گیا ۔ کرکٹ فینز اپنی پسندیدہ ٹیم کی جیت کیلئے دعا گو ہیں ۔
یاد رہے کہ پشاور زلمی نے اس سے قبل 2017میں ٹرافی اپنے نام کی تھی جبکہ حیدر آباد کنگز مین پہلی بار حصہ بنی ہے ابتدائی شکست کے بعد حیدر آباد نے اپنی کارکردگی سے فائنل میں جگہ بنائی ہے ۔