راولپنڈی (پاک ترک نیوز ) سکیورٹی فورسز نے شمالی وزیرستان کے علاقے رزمک میں انٹیلی جنس بیسڈ آپریشن کیا جس میں پانچ خوارج ہلاک کر دیئے گئے۔ہلاک خوارج سے اسلحہ اور گولہ بارود بھی برآمد کر لیا گیا
آئی ایس پی آر کے مطابق شدید فائرنگ کے تبادلے میں میجر حافظ احسان الٰہی شہید ہو گئے، چونتیس سالہ میجر حافظ احسان الہٰی کا تعلق ضلع میانوالی سے تھا
آئی ایس پی آر کا کہناہےمیجر حافظ احسان الٰہی جوانوں کی قیادت اگلے مورچوں سے کرتے ہوئے بہادری سے لڑے اور جامِ شہادت نوش کیا، آئی ایس پی آر
آئی ایس پی آر کے مطابق ہلاک خوارج سکیورٹی فورسز، قانون نافذ کرنے والے اداروں اور معصوم شہریوں پر متعدد دہشت گرد حملوں میں ملوث تھے، علاقے میں موجود کسی بھی دوسرے بھارتی سرپرست خارجی کے خاتمے کے لیے کلیئرنس آپریشن جاری ہے۔
آئی ایس پی آر کے مطابق وفاقی ایپکس کمیٹی کے منظور کردہ قومی ایکشن پلان کے تحت "عزمِ استحکام” وژن کے مطابق انسداد دہشت گردی مہم پوری رفتار سے جاری رہے گی۔
آئی ایس پی آر کے مطابق پاکستان کی سکیورٹی فورسز اور قانون نافذ کرنے والے ادارے غیر ملکی سرپرستی میں ہونے والی دہشت گردی کے مکمل خاتمے تک کارروائیاں جاری رکھیں گے۔
