اسلام آباد (پاک ترک نیوز )ایوان صدر نے صدر مملکت آصف علی زرداری اور وفاقی وزیر داخلہ محسن نقوی کے درمیان ہونے والی ملاقات سے متعلق وضاحت جاری کردی۔
ترجمان ایوان صدر کے مطابق گزشتہ روز ہونے والی ملاقات میں صوبوں سے متعلق کسی قسم کی گفتگو نہیں ہوئی، ملاقات کے دوران قومی سلامتی اور خطے کی صورتحال سے متعلق امور زیر بحث آئے۔
ترجمان نے واضح کیا کہ ملاقات میں نئے صوبوں کے قیام یا صوبائی معاملات پر کوئی تبادلہ خیال نہیں ہوا۔
واضح رہے کہ گزشتہ روز صدر آصف علی زرداری اور وزیر داخلہ محسن نقوی کے درمیان تقریباً ایک گھنٹہ طویل ملاقات ہوئی تھی، جس کے بعد یہ اطلاعات سامنے آئی تھیں کہ ملاقات میں سیاسی امور، ملکی حالات، سکیورٹی صورتحال پر گفتگو کی گئی۔
