ایران ،امریکا مذاکرات کل متوقع ،ڈونلڈ ٹرمپ کا بھی گرین سگنل

اسلام آباد ( پاک ترک نیوز) پاکستان کی سفارتکاری کام کر گئی ،ایران اور امریکا کے درمیان مذاکرات کا اگلا راؤنڈ کل متوقع ہے ۔
امریکی صدر ڈونلڈ ٹرمپ نے بھی جمعہ کو مذاکرات کا اعلان کر دیا ، میڈیا سے گفتگو میں کہا مذاکرات کے دوسرے دور میں اچھی خبر متوقع ہے،فوج کو ہر ممکن صورتحال سے نمٹنے کی بھی ہدایت کی ہے۔
ایران میں گرفتار آٹھ خواتین مظاہرین کو اب پھانسی نہیں دی جائے گی، چار کو فوری اور باقی کو ایک ماہ بعد رہائی ملے گی، میری درخواست پر توجہ دینے پر ایران حکومت کا شکریہ ادا کرتا ہوں۔
امریکی صدر نے مزید کہا ایران کے ساتھ مذاکرات کے لیے کوئی نئی تاریخ طے نہیں کی گئی اور نہ ہی جنگ کے خاتمے کے لیے کوئی حتمی مدت مقرر ہے۔صدر ٹرمپ نے یہ تاثر بھی رد کیا کہ وہ مڈٹرم انتخابات کے پیش نظر معاملہ جلد ختم کرنا چاہتے ہیں۔