واشنگٹن (پاک ترک نیوز )امریکا اور ایران کے مذاکرات آج عمان میں ہوں گے ،ایرانی وزیر خارجہ عباس عراقچی عمان پہنچ گئے۔
امریکی صدر ڈونلڈ ٹۂرمپ کی نائب صدر جے ڈی وینس ،اسٹیو وٹکوف ، مارکو روبیو اور جیرڈ کشنر پر مشتمل ٹیم کو مذاکرات جاری رکھنے کی ہدایت ،،امریکی حکام کا کہناہے ایرانی حکام نے اعتراف کیا ہے کہ آبنائے ہرمز میں تجارتی جہازوں پر حملہ غلطی تھا۔
ایرانی حکام نے صدر ڈونلڈ ٹرمپ کے مشیروں سے غیر رسمی رابطے میں اعتراف کیا ۔امریکی حکام کے مطابق ایرانی حکام نے بتایا کہ یہ کارروائی سخت گیر حلقے نے مذاکرات سبوتاژ کرنے کے لیے کی۔
یہ بھی پڑھیں: امریکی صدر کی ایک بار پرایران کو دھمکی
امریکی میڈیا نے امریکی حکام کے حوالے سے رپورٹ کیا ہے کہ ایرانی حکام نے مذاکرات جاری رکھنے کی خواہش ظاہر کی، جبکہ وائٹ ہاؤس چاہتا ہے کہ ایران عوامی طور پر اپنی غلطی تسلیم کرے۔
امریکی حکام کے مطابق اگر ایران نے دوبارہ جارحانہ کارروائیاں کیں تو امریکا فوجی اور اقتصادی طاقت سے جواب دے گا۔
حکام نے کہا ہے کہ امریکا کو توقع ہے کہ عمان مذاکرات میں ایران آبنائے ہرمز کو پہلے کی طرح کھلا رکھنے پر آمادہ ہو گا، بصورتِ دیگر ایران کے لیے اچھا دن نہیں ہو گا۔امریکی حکام کا یہ بھی کہنا ہے کہ صدر ٹرمپ مذاکرات کو موقع دے رہے ہیں، تاہم زیادہ وقت نہیں دیں گے۔
