فیصل آباد ( پاک ترک نیوز) تین میچوں پر مشتمل سیریز کے پہلے ایک روزہ میچ میں پاکستان نے جنوبی افریقہ کو دو وکٹوں سے شکست دیدی۔
تفصیلات کے مطابق فیصل آباد کے اقبال سٹیڈیم میں کھیلے گئے پہلے ایک روزہ میچ میں پاکستان نے جنوبی کی افریقہ کی جانب سے دیا گیا 264رنز کا ہدف8 وکٹوں کے نقصان پر پورا کرلیا ۔
پاکستان کی جانب سے سلمان علی آغا نے 63،محمد رضوان نے 55جبکہ فخر زمان نے 45رنز بنائے ۔
جنوبی افریقہ کی جانب سے نگیڈی ،بھوش اور لینڈے نے دو دو کھلاڑیوں کو آئوٹ کیا ۔پاکستان کو تین میچوں پر مشتمل سیریز میں ایک صفر کی برتری حاصل ہو گئی ہے ۔
اس سے قبل جنوبی افریقہ کی پوری ٹیم 49.1اوورز میں 263رنز بنا کر پویلین لوٹ گئی تھی ۔
جنوبی افریقہ کی جانب سے کوئٹن ڈی کاک نے 63،پٹوریس 57،کپتان برٹیکز نے 42رنز سکور کئے تھے ۔
پاکستان کی جانب سے نسیم شاہ اور ابرار احمد نے تین تین جبکہ صائم ایوب نے دو کھلاڑیوں کو پویلین کی راہ دکھائی تھی ۔
یاد رہے کہ سیریز کا دوسرا ایک روزہ میچ 6جبکہ تیسرا اور آخری 8نومبر کو فیصل آباد میں ہی کھیلا جائے گا ۔
اس سے قبل پاکستان نے جنوبی افریقہ کو ٹی ٹونٹی سیریز دو ایک سے اپنے نام کی تھی جبکہ ٹیسٹ سیریز ایک ایک سے برابر رہی تھی ۔
پہلا ون ڈے : پاکستان نے جنوبی افریقہ کو 2وکٹوں سے شکست دیدی
