اسلام آباد (پاک ترک نیوز )تحریک انصاف کے رہنما بیرسٹر علی ظفر کا کہناہے بدنیتی سے کسی جج کا تبادلہ کرنے کی آئین اجازت نہیں دیتا۔کسی جج کو سنے بغیر اٹھا کر کہیں لے جائیں آئین اجازت نہیں دیتا،میڈیا سے گفتگو میں علی ظفر نے کہا جج کا تبادلہ تین وجوہات پر ہو سکتا ہے، کسی ایکسپرٹ جج کو کسی ضرورت کی جگہ لے جانا ہو تو وہ جائز بات ہے، اگر کسی کو بدنیتی سے ٹرانسفر کرنا ہو تو وہ ناجائز ہے، یہ تو ہم سمجھتے ہیں ایک سزا ہے،بلاوجہ تبادلہ کرنا عدلیہ کو بہت بڑا نقصان پہنچائے گا، ججز کو پولیس یا سول سرونٹ کی طرح ٹرانسفر کرنے سے عوام کے اعتماد کو ٹھیس پہنچتی ہے،ہم نے ان تبادلوں کی مخالفت کی مگر ہمارے پاس اکثریت نہیں تھی، یہ جو کچھ ہو رہا ہے غیر آئینی طریقے سے کیا جا رہا ہے۔
