کوئٹہ(پاک ترک نیوز) بلوچستان میں ضروری مرمتی کام کے باعث ٹرین آپریشن آج ایک روز کے لیے معطل کر دیا گیا ہے، ریلوے حکام کے مطابق۔
ریلوے حکام کا کہنا ہے کہ کوئٹہ سے پشاور جانے والی جعفر ایکسپریس آج روانہ نہیں ہوگی، جبکہ جناح پیپلز ٹرین بھی آج نہیں چلے گی۔
یہ بھی پڑھیں: تھرپارکر: ایمبولینس سلنڈر دھماکے میں ایک اور خاتون جاں بحق، اموات کی تعداد 9 ہوگئی
حکام کے مطابق پشاور سے کوئٹہ آنے والی جعفر ایکسپریس کو جیکب آباد تک محدود کر دیا گیا ہے۔
ریلوے حکام نے بتایا کہ ضروری مرمتی کام مکمل ہونے کے بعد ٹرین آپریشن بحال کیا جائے گا۔
