اسلام آباد (پاک ترک نیوز )وزیراعظم شہباز شریف نے سعودی عرب پر حملوں کی شدید مذمت کی ہے۔وزیراعظم نے کہا ایسے قابل افسوس اقدامات سعودی عرب کی علاقائی سالمیت اور خودمختاری کی صریحاً خلاف ورزی ہیں۔
وزیراعظم شہبازشریف نے کہا ایسے اقدامات سے علاقائی امن و سلامتی کو داؤ پر لگایا جا رہا ہے۔ پاکستان سعودی عرب کی سلامتی کے لیے مکمل حمایت کا عزم کرتا ہے۔
وزیراعظم شہباز شریف نے کہاپاکستان اس مشکل وقت میں مملکت سعودی عرب کے ساتھ کھڑا ہے۔پاکستان خطے میں امن، استحکام اور سیکیورٹی کے لئے اپنی مخلص کوششیں جاری رکھے گا۔
