اسلام آباد (پاک ترک نیوز )حکومت اور اپوزیشن کے درمیان مذاکرات کی بحالی کا امکان پیدا ہو گیا، وزیراعظم شہبازشریف اور مولانا فضل الرحمان کی ملاقات میں بریک تھرو ہوا ہے ،
وزیراعظم سے ملاقات میں مولانا فضل الرحمان نے خیبرپختونخوا میں سخت اقدامات سے گریز کی تجویز دی ۔ ملاقات میں سیاسی صورتحال ،لانگ مارچ اور خیبر پختونخوا کی صورتحال پر مشاورت کی گئی ۔
مولانا فضل الرحمن وزیراعظم سے ہونے والی مشاورت پر اپوزیشن قیادت کو اعتماد میں لیں گے، اوروفاقی حکومت کی شرائط سے اپوزیشن قیادت کو آگاہ کریں گے۔
