اسلام آباد (پاک ترک نیوز )خیبرپختونخوا میں ایمرجنسی یا گورنر راج کے نفاذ سے متعلق اہم پیش رفت، وزیراعظم شہباز شریف نے کل اعلیٰ سطح کا اجلاس طلب کرلیا۔
ذرائع کے مطابق اجلاس میں صدر مملکت، وزیراعظم اور اعلیٰ عسکری حکام کی شرکت متوقع ہے ، قومی سلامتی کے اداروں کی رپورٹس کا بھی جائزہ لیا جائے گا۔
ذرائع کا کہنا ہے کہ سابق قبائلی اضلاع سمیت خیبرپختونخوا کے بارہ اضلاع میں ایمرجنسی کے نفاذ کی تجویز زیر غور ہے۔
ذرائع کے مطابق صوبے میں عوام کی جان و مال کے تحفظ کے لیے بعض اہم اختیارات وفاقی حکومت کے استعمال میں دینے کی تجویز بھی اجلاس میں زیر بحث آئے گی۔
اجلاس میں آئین کے آرٹیکل 232 سے 234 تک کی روشنی میں مختلف تجاویز پر غور کیا جائے گا، جبکہ اہم فیصلوں کی منظوری کا امکان بھی ظاہر کیا جا رہا ہے۔
