کراچی(پاک ترک نیوز ) کراچی کے مختلف علاقوں میں ہلکی اور تیز بارش کا سلسلہ شروع ہوگیا، جس کے بعد موسم خوشگوار ہوگیا۔
محکمہ موسمیات کے مطابق شدید گرمی اور سازگار موسمی حالات کے باعث کراچی اور ملحقہ علاقوں پر مقامی بادل بنے، جو مختلف علاقوں میں برسنا شروع ہوگئے۔
سرجانی ٹاؤن، گلشن معمار اور گردونواح میں ہلکی سے تیز بارش جاری ہے، جبکہ گڈاپ میں تیز ہواؤں کے ساتھ موسلادھار بارش ریکارڈ کی گئی۔
اس کے علاوہ شارع فیصل، قائدآباد، لانڈھی، کورنگی، ملیر، اولڈ سٹی ایریا اور صدر میں تیز ہواؤں کے ساتھ بوندا باندی ہورہی ہے۔
محکمہ موسمیات کا کہنا ہے کہ آئندہ ایک سے تین گھنٹوں کے دوران کراچی کے مختلف علاقوں میں گرج چمک کے ساتھ مزید بارش کا امکان ہے۔
