اسلام آباد ( پاک ترک نیوز) یومِ آزادی کے موقع پر گورنر سندھ نہال ہاشمی اور وزیراعلیٰ سندھ مراد علی شاہ نے مزارِ قائد پر حاضری دی، پھولوں کی چادر چڑھائی اور فاتحہ خوانی کی۔ پاک فوج کے چاق و چوبند دستے نے انہیں سلامی پیش کی۔
اسلام آباد میں پاکستان مونومنٹ پر پرچم کشائی کی پروقار تقریب ہوئی، چیئرمین سینیٹ یوسف رضا گیلانی نے قومی پرچم لہرایا۔ یوسف رضا گیلانی تقریب کے مہمانِ خصوصی تھے۔
سپریم کورٹ میں بھی یومِ آزادی کے موقع پر پرچم کشائی کی تقریب ہوئی۔ چیف جسٹس پاکستان جسٹس یحییٰ آفریدی نے اسٹاف اور بچوں کے ہمراہ یومِ آزادی منایا۔
مزارِ قائد پر میڈیا سے گفتگو کرتے ہوئے گورنر سندھ نہال ہاشمی نے کہا کہ ملک میں کاکروچ نہیں ہیں، جین زی توڑ پھوڑ کرتے ہیں، ہم جین زی نہیں شاہین ہیں۔ پاکستان ہمارے بزرگوں کے خواب کی تعبیر ہے، پاکستان ناقابلِ تسخیر ہو چکا ہے۔
گورنر سندھ نے کہا کہ فیلڈ مارشل نے دشمن کو ایسا جواب دیا کہ پوری دنیا ہمیں مان گئی۔ نوجوانوں کو سائنس اور ٹیکنالوجی کے میدان میں آگے بڑھنا ہوگا۔
وزیراعلیٰ سندھ مراد علی شاہ نے کہا کہ پاکستان ہمارے بزرگوں کی عظیم اور لازوال قربانیوں کا ثمر ہے۔ پاکستان بنانے میں سندھ کا صفِ اول کا کردار تھا اور ہمیشہ رہے گا۔
یہ بھی پڑھیں: اسلام آباد میں یادگارِ فتح کا افتتاح، قومی یکجہتی اور دفاعِ وطن کے عزم کا اظہار
مراد علی شاہ نے کہا کہ بھارت نے ہماری طرف میلی نظر سے دیکھا تو پوری قوم متحد ہوگئی۔ صوبے بنانے کے لیے طریقہ کار آئین میں موجود ہے، اس کے لیے سندھ اسمبلی سے قرارداد پاس کرانا ہوگی۔
