لاہور(پاک ترک نیوز )وزیرِ اعلیٰ پنجاب مریم نواز نے باغبانپورہ میں نجی اسکول میں قائم سمر کیمپ کی چھت گرنے کے واقعے کا فوری نوٹس لے لیا ،وزیراعلیٰ نے ایک بچے کے جاں بحق ہونے پر گہرے دکھ اور افسوس کا اظہار کیا ہے
وزیرِ اعلیٰ مریم نواز نے کمشنر لاہور اور ڈی جی ریسکیو سے واقعے کی فوری رپورٹ طلب کر لی۔ وزیر اعلی مریم نواز شریف نے10 بچوں سے زائد کو ملبے سے باحفاظت ریسکیو کرنے پر ریسکیو 1122 کو شاباش دی ہے۔
وزیر اعلیٰ مریم نواز شریف نے ریسکیو آپریشن کو تیز ترین کرنے اور ملبے تلے دبے بچوں کی بحفاظت برآمدگی کی سخت ہدایت کی ہے اور زخمی بچوں اور افراد کو بہترین اور فوری طبی سہولیات فراہم کرنے کا حکم دیا ہے ۔ مریم نواز نے کہا ریسکیو آپریشن میں ایک سیکنڈ کی بھی تاخیر برداشت نہیں کی جائے گی
یہ بھی پڑھیں:سانحہ کاہنہ کے بعد ایک اور سکول کی چھت گر گئی،بچہ جاں بحق ،4زخمی
وزیر اعلیٰ مریم نواز نے غفلت یا غیر معیاری تعمیرات کے ذمہ داروں کے خلاف سخت قانونی کارروائی کا فیصلہ کر لیا ،کہاصوبے بھر میں گنجان آباد علاقوں کے اندر قائم ایسے تمام اسکولوں کی عمارات کا فوری سیفٹی آڈٹ کیا جائے گا-
