لاہور( پاک ترک نیوز) وزیراعلیٰ پنجاب مریم نواز نے ورلڈ یوتھ سکلز ڈے پرخصوصی پیغام میں صوبے کے نوجوان کو ٹیکنالوجی اور پیشہ ورانہ مہارتوں سے لیس کرنے کے عزم کا اظہار کیا ہے اور نوجوانوں کو لانسنگ، آئی ٹی اور ٹیکنیکل ٹریڈز میں شمولیت کی ہدایت کی ہے۔
وزیراعلیٰ پنجاب مریم نواز نے کہا ٹیکنالوجی اور پیشہ ورانہ مہارتوں سے مستفید نوجوان ہی ملکی ترقی اور خوشحالی میں کلیدی کردار ادا کرسکتا ہے۔ نوجوان کسی بھی قوم کا سب سے قیمتی اثاثہ اور مستقبل کے معمار ہوتے ہیں۔
وزیراعلیٰ مریم نواز نے کہا پنجاب حکومت نے نوجوانوں کو ہنر مند بنانے کے لیے خطیر فنڈز مختص کیے ہیں۔ آسان کاروبار اور آسان فنانس سکیم کے تحت ایک لاکھ8 ہزار سے زائد لوگوں کو قرض فراہم کیا گیا۔
وزیراعلیٰ پنجاب نے کہا آسان کاروبار سکیم کے تحت نوجوانوں کو 10 لاکھ سے تین کروڑ روپے تک کا بلاسود قرض دے رہے ہیں۔ ایگریکلچر انٹرن شپ پروگرام کے تحت2ہزار نوجوانوں کو 60ہزار روپے ماہانہ وظیفہ دیا جارہا ہے۔
یہ بھی پڑھیں:پنجاب رنگ روڈ پر 6 سروس ایریاز بنانے کی منظوری، سالانہ 50 کروڑ روپے آمدن متوقع
وزیراعلیٰ پنجاب مریم نواز نے کہا ووکیشنل ٹریننگ انسٹیٹیوٹ میں عالمی معیار کے مطابق ٹیکنالوجی، کنسٹرکشن،میسن، ویلڈر، ٹائل فکسر اور ہیوی وہیکل مینٹی ننس جیسے جدید کورسز سکھائے جا رہے ہیں۔
مریم نواز نے مزید کہا پنجاب بھر سے 10,000 نوجوانوں کو بین الاقوامی مارکیٹ کے مطابق سعودی عرب اور خلیجی ممالک میں ملازمتیں فراہم کی ہیں۔پنجاب میں پہلی مرتبہ نصاب میں ای-کامرس، ڈیجیٹل مارکیٹنگ اور جدید آئی ٹی کورسز شامل کیے گئے۔
وزیراعلیٰ پنجاب نے کہا سحر پروگرام سے صوبے بھر کی 5,365 خواتین کو جدید بیوٹیفکیشن، ہاسپیٹلٹی اور ایئرلائن مینجمنٹ کورسز کروائے جا رہے ہیں۔سحر پروگرام میں خواتین کو مفت لیپ ٹاپ اور ماہانہ 7,500 روپے وظیفہ دیا جارہا ہے۔
