ایران (پاک ترک نیوز) ایران کی نیم سرکاری خبر ایجنسی فارس کے مطابق ایران کے پاسداران انقلاب کے شعبہ تعلقاتِ عامہ نے کہا ہے کہ ’اللہ تعالیٰ کی مدد سے آج جارح کو سزا دی جائے گی،یہ بیان امریکاکی جانب سے گزشتہ شب ایران پر کیے گئے حملوں کے بعد سامنے آیا ہے۔
اس سےق بل پاسدارانِ انقلاب نے اعلان کیا تھا کہ جب تک امریکا کی دھمکیاں اور خطے میں بحری نقل و حرکت میں مداخلت جاری رہے گی، آبنائے ہرمز بند رہے گی۔
پاسدارانِ انقلاب کا کہنا تھا کہ آبنائے ہرمز ایران کے زیرِ اثر سمندری علاقے میں واقع ہے اور ایرانی بحری افواج اس اہم آبی گزرگاہ پر مکمل کنٹرول برقرار رکھنے کی صلاحیت رکھتی ہیں۔
یہ بھی پڑھیں: آبنائے ہرمز بند رہے گی،پاسداران انقلاب
بیان میں مزید کہا گیا کہ امریکا کی مدد کرنے والے ممالک کو بھی سخت جواب دیا جائے گا، جبکہ ایران کے خلاف کسی بھی جارحیت کا بھرپور اور مؤثر جواب دیا جائے گا۔
