تہران ( پاک ترک نیوز) ایران کی پاسدارانِ انقلاب نے اعلان کیا ہے کہ جب تک امریکا کی دھمکیاں اور خطے میں بحری نقل و حرکت میں مداخلت جاری رہے گی، آبنائے ہرمز بند رہے گی۔
پاسدارانِ انقلاب کے مطابق آبنائے ہرمز ایران کے زیرِ اثر سمندری علاقے میں واقع ہے اور ایرانی بحری افواج اس اہم آبی گزرگاہ پر مکمل کنٹرول برقرار رکھنے کی صلاحیت رکھتی ہیں۔
بیان میں مزید کہا گیا کہ امریکا کی مدد کرنے والے ممالک کو بھی سخت جواب دیا جائے گا، جبکہ ایران کے خلاف کسی بھی جارحیت کا بھرپور اور مؤثر جواب دیا جائے گا۔
یہ بھی پڑھیں: امریکہ کے ایران پر ایک بار پھر حملے
پاسدارانِ انقلاب نے خبردار کیا کہ خطے میں بیرونی مداخلت صورتحال کو مزید پیچیدہ اور کشیدہ بنا سکتی ہے، اس لیے ایسے اقدامات سے گریز کیا جانا چاہیے۔
