لاہور( پاک ترک نیوز) پاکستان اور چین کا بڑا امن پلان۔کیا مشرق وسطیٰ میں جنگ رکنے والی ہے؟ کیا دنیا ایک بڑی پیش رفت دیکھنے جا رہی ہے؟”کیا فلسطین مسئلہ حل ہونے کے قریب ہے ،مشرق وسطیٰ تنازع حل کرنے کیلئے چین کی انٹری سے کیا کھیل بدل جائے گا۔
مشرق وسطیٰ میں جنگ کے بادل گہرے ہیں لیکن اب ایک نیا سفارتی موڑ گیا ،پاکستان اور چین بھی امن کے لیے متحرک ہو گئے ،پاکستان اور چین نے مشرقِ وسطیٰ میں امن کے قیام کیلیے پانچ نکاتی مشترکہ ایجنڈا پیش کردیا۔نائب وزیراعظم اسحاق ڈار کی بیجنگ میں چینی ہم منصب وانگ یی سے ملاقات میں منصوبہ پیش کیا گیا ، ایجنڈے کے اہم نکات میں فوری جنگ بندی، مذاکرات کی بحالی، اور تنازعات کے پرامن حل پر زور دیا گیا۔
مشترکہ اعلامیے کے مطابق پاکستان نے کشیدگی ختم کرنے اور متاثرہ علاقوں میں انسانی امدا د کی بلا تعطل فراہمی کو یقینی بنانے کے لیے منصوبہ پیش کیا ۔
سوال یہ ہے—کیا یہ فارمولہ خطے کو تباہی سے بچا سکتا ہے؟سفارتی حلقوں نے اسے بڑی پیش رفت قرار دیا ہے۔ سفارتی ماہرین کا کہنا ہے کہ یہ پہلا موقع نہیں جب امن کی کوشش کی جا رہی ہو۔لیکن اس بار چین کا فعال کردار اور پاکستان کی علاقائی اہمیت اس ایجنڈے کو منفرد بنا رہی ہے۔
کیا یہ امن کی شروعات ہے… یا کسی بڑے طوفان کا پیش خیمہ؟کیا یہ مشترکہ کوشش مشرق وسطیٰ میں امن کی نئی صبح لے کر آئے گی؟یا پھر یہ بھی ماضی کے منصوبوں کی طرح ایک اور ادھورا خواب بن جائے گا؟فیصلہ… آنے والے دن کریں گے۔
