اسلام آباد ( پاک ترک نیوز) اسلام آباد اور گردونواح میں موسلا دھار بارشوں کے باعث راول ڈیم میں پانی کی سطح بلند ہوگئی، جس کے بعد ضلعی انتظامیہ نے سپل ویز کھولنے کا فیصلہ کرلیا۔ضلعی انتظامیہ کے مطابق راول ڈیم میں پانی کی سطح 1751.40 فٹ تک پہنچ گئی ہے۔راول ڈیم کے سپل ویز آج کھولے جائیں گے، جس کے باعث ڈیم سے پانی کے اخراج میں اضافہ ہوگا۔ضلعی انتظامیہ نے ریسکیو 1122، پولیس اور دیگر متعلقہ اداروں کو سپل ویز کھولنے کے دوران مکمل طور پر الرٹ رہنے کی ہدایت کردی ہے۔
یہ بھی پڑھیں: سونا مزید مہنگا، ایک تولہ 3900روپے بڑھ گیا
انتظامیہ کے مطابق سپل ویز کھولنے سے قبل تمام متعلقہ ادارے ضروری احتیاطی تدابیر یقینی بنائیں، جبکہ شہریوں کو بھی ممکنہ خطرات کے پیش نظر احتیاط برتنے کی ہدایت کی گئی ہے۔
