کراچی ( پاک ترک نیوز) ملک میں سونے کی قیمت میں ایک بار پھر بڑا اضافہ ہوگیا، فی تولہ سونا 3 ہزار 900 روپے مہنگا ہوگیا۔صرافہ مارکیٹ کے مطابق اضافے کے بعد فی تولہ سونے کی قیمت 4 لاکھ 69 ہزار 136 روپے پر پہنچ گئی۔10 گرام سونے کی قیمت میں 3 ہزار 344 روپے کا اضافہ ہوا، جس کے بعد نئی قیمت 4 لاکھ 2 ہزار 208 روپے ہوگئی۔
عالمی گولڈ مارکیٹ میں بھی سونے کی قیمت میں اضافہ ریکارڈ کیا گیا، فی اونس سونا 39 ڈالر مہنگا ہوکر 4 ہزار 466 ڈالر کا ہوگیا۔
یہ بھی پڑھیں: سندھ میں عوامی سفری سہولیات مزید بڑھانے کا فیصلہ، پیپلز بس سروس کی توسیع پر پیش رفت
دوسری جانب ملک میں چاندی کی قیمت بھی بڑھ گئی۔ ایک تولہ چاندی کی قیمت 117 روپے اضافے سے 7 ہزار 161 روپے ہوگئی، جبکہ 10 گرام چاندی 100 روپے اضافے سے 6 ہزار 139 روپے کی ہوگئی۔عالمی مارکیٹ میں چاندی کی قیمت 1.17 ڈالر اضافے سے 66.82 ڈالر فی اونس ہوگئی۔
