واشنگٹن: (پاک ترک نیوز) تازہ سیٹلائٹ تصاویر سے ظاہر ہوا ہے کہ امریکی فوج نے قطر کے العدید بیس میں پٹریاٹ میزائلوں کو موبائل ٹرک لانچروں میں نصب کر دیا ہے تاکہ ایران کے ساتھ بڑھتی کشیدگی کے دوران ان کی نقل و حرکت اور دفاعی استعداد کو بہتر بنایا جا سکے۔
تجزیہ کاروں کے مطابق، جنوری سے کشیدگی بڑھنے کے بعد یہ اقدام امریکہ کی طرف سے خطرات کے تیزی سے بڑھنے کا ثبوت ہے۔ موبائل لانچر استعمال کرنے کا مقصد میزائلوں کو جلدی تعینات کرنا یا کسی ایرانی حملے کی صورت میں فوری دفاعی مقام پر منتقل کرنا ہے۔
تازہ تصاویر میں العدید بیس پر RC-135 جاسوس طیارہ، 3 C-130 ہرکولیس، 18 KC-135 اسٹریٹانک اور 7 C-17 طیارے بھی دکھائی دیے۔
ساتھ ہی 10 پٹریاٹ دفاعی نظام MIM-104 کو HEMTT ٹرکوں میں نصب دیکھا گیا۔ماہرین نے کہا کہ موبائل لانچرز میزائلوں کو زیادہ چابکدستی اور تیزی سے متبادل مقامات پر منتقل کرنے کی صلاحیت فراہم کرتے ہیں۔
ایران کی طرف سے بھی انتباہ جاری ہے کہ کسی حملے کی صورت میں وہ امریکی بیسوں پر جواب دے سکتا ہے۔اس اقدام کو خطے میں عسکری موجودگی بڑھانے اور ایران کے ممکنہ ردعمل کے پیشِ نظر دفاعی تیاری کے طور پر دیکھا جا رہا ہے، جبکہ امریکی صدر ڈونلڈ ٹرمپ نے ایران کے جوہری اور میزائل پروگراموں کے حوالے سے دھمکیاں دی ہیں، مگر مذاکرات جنگ کو روکنے کے لیے جاری ہیں۔
امریکا ،ایران کشیدگی: قطر میں امریکی بیس پر موبائل میزائل لانچر تعینات
