امریکی محکمہ خزانہ کی ایران پر نئی پابندیاں

واشنگٹن ( پاک ترک نیوز) امریکی محکمہ خزانہ نے ایران سے متعلق نئی پابندیاں عائد کردیں ، چار ایرانی شہریوں اور چار کرپٹو ایکس چینجز پر پابندیاں عائد کی گئی ہیں۔
امریکی محکمہ خزانہ کے مطابق ان کمپنیوں سے لین دین کرنے والے غیرملکی مالیاتی ادارے اور افراد بھی پابندیوں کی زد میں آسکتے ہیں۔
ایرانی خبر ایجنسی نے کہا ہے کہ ایران نے امریکا کے مجوزہ حتمی منصوبے پر اب تک کوئی جواب نہیں بھیجا ہے۔
رپورٹ میں کہا گیا ہے کہ امریکی مجوزہ منصوبے پر ایران میں بات چیت جاری ہے، امریکی تجویز کا جائزہ لیا جا رہا ہے۔
ایرانی رپورٹ میں کہا گیا ہے کہ ماضی کے تجربات کی بنیاد پر، ایران ٹھوس اور حقیقی فوائد حاصل کرنے کا خواہاں ہے۔