امریکی صدر ڈونلڈ ٹرمپ کا ایران جنگ جلد ختم کرنے کا عندیہ

واشنگٹن ( پاک ترک نیوز) امریکی صدر ڈونلڈ ٹرمپ نے ایران جنگ جلد ختم کرنے کا عندیہ دے دیا۔
تہران سے مذاکرات میں مثبت پیشرفت کا دعویٰ بھی کیا ہے ، کہتے ہیں ایرانی قیادت ڈیل کرنے کے لئے بےتاب ہے، لگتا ہے ہم معاملہ بہت جلد ختم کردیں گے، امید ہے ایران ایک سے دو روز میں مذاکرات کی میز پر آسکتا ہے۔
امریکی صدر نے مزید کہا ایران سے ڈیل نہ ہوئی تو امریکا دوبارہ حملہ کر سکتا ہے ۔ ایران کو ایک بڑا دھچکا دینا پڑے گا۔۔، ایران کے معاملے پر میرے اور اسرائیلی وزیراعظم کے درمیان اتفاق ہے ، نیتن یاہو کو جو کہیں گے وہ کرے گا۔۔ ،ایران پر دو سے تین روز میں حملہ کر سکتے ہیں ، ایران کے پاس جوہری ہتھیار ہوا تو وہ سب سے پہلے اسرائیل کو نشانہ بنائے گا، ایران اسرائیل کو تباہ کرنے میں دیر نہیں لگائے گا، ایران کو جوہری ہتھیار رکھنے کی اجازت نہیں دی جاسکتی۔