واشنگٹن (پاک ترک نیوز) امریکی ایوانِ نمائندگان کی آرمڈ سروسز کمیٹی نے اہم دفاعی پالیسی بل کی منظوری دیدی۔
بل کے تحت آئندہ مالی سال کے لیے ریکارڈ 1.14 ٹریلین ڈالر کے فوجی اخراجات منظور کیے گئے۔
واضح رہے کہ امریکا نے آج پھر ایک ہفتے میں دوسری بار ایران پر فضائی حملے کیے ہیں ۔ آبنائے ہرمز میں ایران کے فوجی اہداف کو نشانہ بنایا گیا امریکی حکام کے مطابق اس فوجی سائٹ کو آبنائے ہرمز میں امریکی افواج اور تجارتی بحری ٹریفک کے لئے خطرہ قرار دیا گیا تھا۔ حملوں کا مقصد افواج،جہازوں کو خطرہ ختم کرنا تھا۔ امریکی فوج نے متعدد ایرانی ڈرونز بھی مار گرائے ۔ ایران نے امریکی تجارتی جہاز پر ڈرون فائر کیے۔ تمام ایرانی ڈرونز مار گرائے گئے۔۔ ایرانی میڈیا کا کہنا ہے۔۔ دھماکوں کی آوازوں پر دفاعی نظام فعال کیا گیا۔
دوسری جانب ایران نے امریکا پرجنگ بندی کی کھلی خلاف ورزی کاالزام لگایا ہے ،ایرانی وزارتِ خارجہ کے مطابق، امریکی فوج نے جنگ بندی کے اعلان کے باوجود غیرقانونی کارروائیاں جاری رکھیں، گذشتہ اڑتالیس گھنٹوں کےدوران ایرانی تجارتی جہازوں کےخلاف سمندری قزاقی کے واقعات پیش آئے، کارروائیاں پاکستان کی ثالثی میں جاری سفارتی عمل کےدوران کی گئیں، ایرانی وزارتِ خارجہ نے واضح کیا کہ ایران اپنی خودمختاری اور قومی سلامتی کے دفاع میں کسی قسم کی ہچکچاہٹ کا مظاہرہ نہیں کرے گا۔
امریکا ،1.14 ٹریلین ڈالر کے فوجی اخراجات کا بل منظور
