امریکا ،ایران مذاکرات اگلے ہفتے اسلام آباد میں دوبارہ شروع ہونے کا امکان

اسلام آباد ( پاک ترک نیوز) امریکا ،ایران مذاکرات اگلے ہفتے اسلام آباد میں دوبارہ شروع ہونے کا امکان ہے ۔
امریکی اخبار وال اسٹریٹ جرنل کی رپورٹ کے مطابق،دونوں فریق ثالثی کردار ادا کرنے والوں کے ساتھ مل کر ایک ایک صفحے پر مشتمل 14نکاتی مفاہمتی یادداشت تیار کرنے پر کام کر رہے ہیں۔ ایک ماہ پر محیط مذاکرات کا فریم ورک طے کیا جائے گا۔۔ مقصد جنگ کے خاتمے کی راہ ہموار کرنا ہے۔
مسودے میں ایران کے جوہری پروگرام، آبنائے ہرمز میں کشیدگی کم کرنے اور ایران کے انتہائی افزودہ یورینیم کے ذخائر کو کسی تیسرے ملک منتقل کرنے جیسے معاملات بھی شامل ہیں۔