واشنگٹن ( پاک ترک نیوز) قطر کی جانب سے امریکا کو دیے گئے نئے ایئر فورس ون طیارے کی رونمائی کر دی گئی ۔ طیارہ صدارتی بیڑے میں شامل کرلیا گیا۔ گزشتہ سال قطری حکومت کی جانب سے امریکا کو بلا مشروط تحفے کے طور پر دیا گیا
امریکی صدر ڈونلڈ ٹرمپ کہتے ہیں۔۔ نیا ایئرفورس ون 35برس پرانے طیارے سے کہیں بڑا ہے۔ یہ دنیا کا سب سے پُرتعیش طیارہ ہے۔۔ دیگر ممالک کے پاس جدید طیارے ہیں اس لیے امریکا کو بھی ضرورت تھی۔ اس طیارے کو ایک اُڑتے ہوئے وائٹ ہاؤس میں تبدیل کر دیا گیا ہے، ایسی شان و شوکت کے ساتھ جو پہلے کبھی نہیں دیکھی گئی۔
میڈیا رپورٹس کے مطابق نیا ایئر فورس ون جلد آزمائشی پرواز کرے گا۔۔ امریکی فوج نے تقریباً 40 کروڑ ڈالر مالیت کے اس لگژری جمبو جیٹ میں ضروری تبدیلیاں اور اپ گریڈ مکمل کر لیے ۔ طیارے کی سیکیورٹی اور تکنیکی تبدیلیوں پر 90کروڑ ڈالر خرچ ہوئے ہیں۔
طیارے کے اندرونی حصے میں محدود تبدیلیاں کی گئی ہیں، تاہم بیرونی حصے کو سرخ، سفید، نیلے اور سنہری رنگوں سے نئی شکل دی گئی ہے۔
یہ بھی پڑھیں: سوئٹزر لینڈ میں ایران امریکا مذاکرات کا پہلا دور جلد متوقع
مئی 2025 میں قطری شاہی خاندان نے یہ لگژری بوئنگ 747-8 امریکی محکمہ دفاع کو تحفے میں دیا تھا تاکہ اسے ایئر فورس ون کے بیڑے کا حصہ بنایا جا سکے۔
