واشنگٹن ( پاک ترک نیوز) امریکی صدر ڈونلڈ ٹرمپ نے سعودی عرب کے ساتھ ایک تاریخی سول جوہری معاہدے کی منظوری دے دی۔امریکی اخبار وال اسٹریٹ جرنل کے مطابق امریکا کے ساتھ سول جوہری پروگرام کے معاہدے کے تحت سعودی عرب کو سویلین جوہری پروگرام کے قیام میں تعاون فراہم کیا جائے گا۔
امریکی اخبار کے مطابق مملکت کو توانائی کے شعبے میں جوہری ٹیکنالوجی تک رسائی حاصل ہو گی۔امریکہ اور سعودی عرب کے درمیان جوہری تعاون معاہدے کی میعاد 30 سال تک ہے۔ معاہدے سے سعودی عرب میں یورینیئم کی افزودگی کے دروازے کھل جائیں گے۔
یہ بھی پڑھیں: ٹرمپ نے سعودی عرب کے ساتھ سول جوہری معاہدے کی منظوری دیدی
رپورٹ میں بتایا گیا ہے کہ اس معاہدے کا مقصد سعودی عرب کے جوہری بنیادی ڈھانچے کی تعمیر اور ترقی میں امریکی کمپنیوں کو مرکزی کردار دینا ہے، جبکہ دیگر غیر ملکی کمپنیوں کی شمولیت کو محدود رکھا جائے گا۔
