دبئی ( پاک ترک نیوز ) متحدہ عرب امارات (یو اے ای )نے سہ فریقی سیریز کے لیے 15 رکنی اسکواڈ کا اعلان کردیا۔
تجربہ کار اوپننگ بلے باز محمد وسیم ٹی ٹوئنٹی سہ فریقی سیریز 2025 میں متحدہ عرب امارات کی ٹیم کی قیادت کریں گے۔
سہ فریقی سیریز کا آغاز 29 اگست سے شارجہ کرکٹ سٹیڈیم میں ہوگا۔ یو اے ای 30 اگست کو ٹورنامنٹ کے اپنے افتتاحی میچ میں پاکستان کے خلاف میدان میں اترے گی۔
یاد رہے کہ سیریز میں میزبان یو اے ای کے علاوہ پاکستان اور افغانستان کی ٹیمیں شامل ہیں۔
سہ فریقی سیریز نو ستمبر سے یو اے ای میں کھیلے جانے والے ایشیا کپ 2025 سے قبل تینوں ٹیموں کو تیاری کا مثالی موقع فراہم کرے گی۔
یو اے ای کی قیادت محمد وسیم کر رہے ہیں جبکہ دیگر کھلاڑیوں میں علیشان شرافو، آریانش شرما (وکٹ کیپر)، آصف خان، دھرو پراشر، ایتھن ڈی سوزا، حیدر علی، ہرشیت کوشک، جنید صدیق، محمد فاروق، محمد جواد اللہ، محمد زوہیب، راہول چوپڑا (وکٹ کیپر)، روہید خان اور صغیر خان شامل ہیں ۔
یو اے ای کا سہ فریقی سیریز کے لیے اسکواڈ کا اعلان
